Skip to content Skip to main navigation Skip to footer

REINICIO DOS TRABALLOS NA PASARELA DE MADEIRA DO PEIRAO

A concellería de servizos informa do reinicio dos traballos na pasarela de madeira do peirao de Mugardos, despois de que estas actuacións tivesen que ser suspendidas pola alarma sanitaria do COVID-19. A duración da intervención dependerá das condicións climatolóxicas, pero non se espera que vaian máis aló dunha semana.

Os traballos que se están a realizar consisten na limpeza da estrutura e a aplicación dun tratamento antiescorregadizo á madeira na totalidade do paseo, co obxectivo de que mellore a seguridade da infraestrutura.

“Con esta intervención finalizan xa os traballos de competencia municipal na pasarela de madeira, e está encargado un informe a Portos de Galicia (con competencias tamén neste tema), pero desde esta institución afirman xa que a pasarela está en condicións de ser utilizada, está correctamente dimensionada e con adecuada capacidade estrutural” afirmou o concelleiro Jorge Kuntz.

 

Back to top