CHARLA FORMATIVA DE ADMINISTRACIÓN ELECTRÓNICA

Charla formativa de achega da administración á veciñanza que terá lugar no salón de plenos da Casa do Concello o próximo mércores 15 de febreiro desde as 11.30 horas, na que os funcionarios da Subdelegación do Goberno asesorarán sobre trámites e xestións electrónicas dispoñibles, e especialmente da obtención do certificado dixital e a Chave permanente.

Todas as persoas interesadas en asistir deberán confirmar a súa asistencia a través do correo electrónico participación@mugardos.gal ou da aplicación Whatsapp “Mugardos en liña”. Será necesario acudir co DNI e aqueles que o desexen poden acudir cunha memoria USB para, se están interesados e coa axuda dos técnicos presentes, poder xestionar a solicitude do seu certificado dixital no propio evento.