COMUNICACIÓN PREVIA DE OBRAS URBANISMO
Cando unha persoa desexa comunicar o inicio dunha obra que non está suxeita á solicitude de licenza urbanística (están suxeitos a licenza os actos que requiren proxecto de edificación e outros supostos), deberá comunicar no concello a intención de levar a cabo dita obra cunha antelación mínima de quince días hábiles ao da data en que pretenda comezar a súa execución.
INSTANCIA
DESCARGAR PDF Instancia para a comunicación previa de obras
TRAMITACIÓN E REXISTRO
Previo á presentación da instancia, e en función do orzamento da obra, a persoa que desexe realizar a comunicación deberá realizar o pago do Imposto de Construccións, Instalacións e Obras (ICIO), e da taxa pola expedición de documentos administrativos.
Unha vez cumprimentada a instancia, aportada a documentación requerida na mesma e abonada a taxa (debe adxuntarse á documentación o xustificante do pago do imposto e da taxa), toda esta documentación deberá ser rexistrada no Concello por algunha destas dúas canles:
- Rexistro Xeral de entrada: nas oficinas municipais
Dirección: Avenida de Galicia nº 45, baixo
Horario de atención: de luns a venres de 9.00 a 14.00 horas
- Sede electrónica municipal: require identificación dixital (DNIe/Certificado dixital – Cl@ve PIN – Cl@ve permanente)
IR Á LIGAZÓN Acceder á Sede electrónica do Concello de Mugardos
Lémbrase que non fai falta ter unha autentificación permanente no ordenador ou no terminal telefónico para a realización de tramitacións online. As persoas interesadas poderán solicitar de xeito sinxelo e seguro unha Cl@ve PIN temporal (de 24 horas) para a realización de calquera tramitación a través da sede electrónica. Na seguinte ligazón pode accederse á páxina web oficial para a solicitude da Cl@ve PIN temporal (se é a primeira vez que se solicita deberá realizarse o rexistro como usuario previamente):
IR Á LIGAZÓN Obtención de Cl@ve PIN temporal de 24 horas
IR Á LIGAZÓN Rexistro en Cl@ve
Con carácter xeral, transcorrido o prazo de quince días hábiles logo da presentación da comunicación previa (se foron cumpridos todos os requisitos esixidos), este trámite xa constitúe título habilitante para o inicio das obras.
En todo caso, o Concello segue estando autorizado para realizar todas as medidas de comprobación, control e inspección que considere oportunas.
NORMATIVA REGULADORA
Existen dúas ordenanzas municipais vixentes que regulan os pagos que deben realizarse como paso previo para a tramitación da comunicación previa de obras:
Na seguinte ligazón ao apartado de instancias e solicitudes da web están dispoñibles todas as instancias do departamento de urbanismo: