MUGARDOS EN LIÑA
O Concello de Mugardos pon en marcha unha nova vía de comunicación cos veciños e veciñas, “Mugardos en Liña”, una ferramenta áxil, rápida e sen custo para recibir información sobre novas, axenda e servizos públicos a través da aplicación WhatsApp.
ALTA E BAIXA NO SERVIZO
Para darse de alta os interesados deberán seguir estes pasos:
- Gardar na súa lista de contactos o número 638 167 088 co nome “Mugardos en Liña”.
- Enviar un whatsapp ao contacto “Mugardos en Liña” co texto “Alta información Concello de Mugardos”.
Enviaráselle entón ao usuario unha mensaxe confirmando a súa alta, e a partir dese momento comezará a recibir información sobre novas, actividades, programación cultural e outra información municipal.
Para darse de baixa o usuario deberá enviar un whatsapp ao contacto “Mugardos en Liña” co texto “Baixa Información Mugardos en Liña”. Dende ese momento, o usuario deixará de recibir información.
DIFUSIÓN DA INFORMACIÓN
A información aos usuarios enviarase de luns a domingo, de 10.00 a 20.00 horas. No caso de tratarse dunha información de urxencia, emerxencia ou especial interese, remitirase no momento oportuno.
A información non se comunica mediante a creación dun ou varios grupos de contactos, polo tanto, aqueles que se deran de alta no servizo non coñecerán nin verán a través das comunicacións recibidas información sobre o resto dos usuarios do servizo.
A difusión da información aos usuarios deste servizo faise baixo a titularidade do Concello de Mugardos, que é o propietario do servizo. A través desta canle únicamente se recibirán mensaxes emitidas por parte do Concello.
NORMAS DE USO
Puntualmente, o Concello poderá remitir algunha mensaxe para solicitar a opinión dos usuarios sobre o servizo coa finalidade de melloralo.
O envío de mensaxes inadecuadas ou reiteradas ao contacto do concello por parte dalgún usuario suporá a súa baixa automática por parte do administrador do servizo.
O usuario compremétese a notificar calquera variación nos datos facilitados, en especial no caso de cambio de número de teléfono móbil, que afecte á recepción das comunicación electrónicas solicitadas.
O envío da mensaxe de alta ao móbil do concello supón a aceptación das condicións e normas de uso do servizo e de WhatsApp (pode consultar as normas de uso de WhatsApp na seguinte ligazón):
IR Á LIGAZON Información de uso de WhatsApp
Se estás a ver esta páxina co móbil e queres activar o servizo poñemos á túa disposición a seguinte ligazón:
