ORELLA PENDELLA NA ESCOLA INFANTIL MUNICIPAL DE MUGARDOS, DE FESTA DE FIN DE CURSO

Neste mes de xuño de 2023 Mugardos celebra o fin de curso da Escola Infantil Municipal cun evento para familias e peques no que poderán aprender recitados e cancións de noso. Continuando así o traballo iniciado no pasado curso con Bebegale para revitalizar o galego na franxa de 0 a 3.

Como é o espectáculo de Orella Pendella? https://migallas.gal/orella-pendella/

Orella Pendella é un obradoiro da Compañía Migallas Teatro con música en directo no que aprender ditos infantís, xogos, contos, recitados e cancións de sempre. Un evento orientado para interactuar coas crianzas, revitalizar o uso da lingua e estimular a súa capacidade cognitiva e comunicativa. A actividade está dirixida a nenos e nenas de 0 a 3 anos.

Mañá día 30 de xuño ás 17 horas na Escola Infantil Municipal poderase desfrutar da Compañía Migallas Teatro e o seu espectáculo “Orella Pendella”, dirixido a peques de entre 0 e 3 anos. En definitiva, un encontro para o impulso da lingua galega e do traballo de mellora da capacidade cognitiva e comunicativa das crianzas.