INFORMACIÓN SOBRE O ESPAZO INFANTIL DE XOGO (EIX) DE VERÁN 2026
A primeira quincena do Espazo Infantil de Xogo de verán 2026 comeza o próximo 1 de xullo de 2026 e durará ata o 15 de xullo de 2026, ámbolos dous inclusive.
Recórdase que non hai servizo de comedor, polo que é recomendable que vaian almorzados da casa, xa que ata a merenda de media mañá non comerán nada.
O horario completo é de 08:00 a 14:00 horas, e o horario reducido de 10:30 a 14:00 horas.. Non se poderá traer aos nenos/as despois das 10.40 nin recollelos antes da hora de saída, a excepción de causa xustificada (cita médica ou similar), co fin de non interrumpir as actividades organizadas
Os/as menores deberán ser recollidos antes das 14.00 horas.
A responsabilidade do control e coidado dos/as nenos/as polos/as monitoras res-ponsables abrangue exclusivamente a franxa horaria de funcionamento dos ser-vizos.
Fóra dos horarios establecidos para entrada e saída, e por motivos de seguridade, as portas do centro permanecerán pechadas.
Todos os/as participantes deberán traer a diario (marcado á vista co nome do neno/a):
Gorra ou viseira.
Auga (cantimplora ou botella plástica)
Roupa cómoda que facilite a súa mobilidade (chandal ou similar), e/ou mandilón (marcado)
Merenda de media mañá, tal e como se especificará ao inicio da actividade
(Non se admitirán alimentos de repostería/bolería industrial, chuches, chocolatinas, paquetes de snacks, etc.).
Normativa: Bases xerais de funcionamento e acceso ao Espazo Infantil de Xogo (BOP núm. 101, 30.05.2018)
O Concello de Mugardos vén de recibir unha subvención destinada ao Programa Municipal de Conciliación que cofinancia as actividades do Espazo Infantil de Xogo e do Servizo de Almorzo dos Comedores Escolares Municipais.
Estas actividades municipais contan coa validación, da Consellería de Politica Social e Igualdade, como medidas Municipais de Conciliación de promoción autonómica.
A subvención do Programa do Plan Corresponsables para entidades locais, cofinanciada pola Consellería de Política Social e Igualdade e polo Ministerio de Igualdade, achega ao Concello 13.854,88€ durante o período de xaneiro a novembro de 2026.