BÚSCANSE FAMILIAS DE ACOLLIDA DE MENORES SAHARAUIS EN MUGARDOS DENTRO DO PROGRAMA ‘VACACIÓNS EN PAZ 2026’

A Asociación Solidariedade Galaga co Pobo Saharaui busca familias de acollida de menores saharauis en Mugardos, para pasar o verán na localidade e lonxe das temperaturas extremas do deserto africano, dentro do programa ‘Vacacións en paz 2026’.

Cada verán, nenos e nenas saharauís que viven nos campamentos de persoas refuxiadas no deserto teñen a oportunidade de pasar dous meses (xullo e agosto) lonxe de condicións extremas. Son menores que medran soportando temperaturas superiores aos 45º, con recursos moi limitados e afastados de moitas das oportunidades básicas que aquí damos por feitas.

Por iso, a Asociación Solidariedade Galega co Pobo Saharaui fai un chamamento a toda Galicia para abrir as portas dos seus fogares e dos seus corazóns. Precísanse familias de acollida que queiran ofrecerlles un verán diferente: de descanso, atención médica, alimentación equilibrada e, sobre todo, agarimo.

Acoller non é adoptar. Acoller é compartir. É regalar unhas semanas que poden marcar unha vida enteira. Os nenos e nenas participan nun programa organizado, con seguimento e apoio continuo, ofrecendo todas as garantías ás familias acolledoras. Non estarás só ou soa nesta experiencia.

Que podes ofrecer? 🤝
 Un fogar temporal durante o verán
 Coidado, afecto e convivencia
 Unha experiencia humana única

Que recibirás? 🌱
 Unha conexión inesquecible
 Aprendizaxe, valores e conciencia
 A satisfacción de contribuír a unha causa xusta

A solidariedade da nosa terra sempre foi forte. Hoxe, máis ca nunca, estes nenos e nenas necesítannos.
Da o paso. Infórmate. Participa. Acolle.
Porque un pequeno xesto aquí…
pode cambialo todo alí.
Para máis información: 📩 asociacion sogaps@yahoo.es 📞 669-078-725