Preinscrición no Programa de Educación Secundaria para adultos do IES de Mugardos

O IES de Mugardos informa que está aberto o prazo de preinscrición ou solicitude de admisión na Educación Secundaria de Adultos (ESA). 

Todas as persoas que desexen solicitaran praza poden parar pola secretaría do centro, de 10:00 a 14:20 horas, para presentar o impreso (anexo I) e documentación. 

O único requisito de idade é ter cumpridos 18 anos ou cumprilos antes do 31 de decembro.

A modalidade do IES de Mugardos é presencial. As actividades lectivas desenvólvense durante as tardes de luns a xoves, de 16:00 a 20:00 horas, cun pequeno recreo. As materias distribúense en ámbitos de coñecemento do seguinte xeito:

• Ámbito de comunicación (galego e castelán)
• Lingua estranxeira (inglés)
• Ámbito social (xeografía e historia)
• Ámbito científico-matemático.

As clases adáptanse ás características do alumnado. Segundo os estudos cursados anteriormente existen dous niveis. O primeiro ESA I-II equivale a que deixara os estudos en 1.º e 2.º de ESO ou antes de rematar a antiga EXB. O segundo, ESA III-IV equivalente a 3º. E 4.º de ESO.

Ao remate do módulo IV obtense o título de graduado ESO.

Máis información na web do instituto  e no teléfono 881 93 82 00.