O CONCELLO SOLICITA UNHA SUBVENCIÓN PARA A REPARACIÓN DA CUBERTA DO PAVILLÓN DO CRISTO POR IMPORTE DE 163.761,06€

A solicitude foi realizada á Xunta de Galicia a través da liña de subvencións do Fondo de Cooperación Local

O concelleiro de Urbanismo e alcalde de Mugardos, Juan Domingo de Deus, informou á Xunta de Galicia dunha nova solicitude de subvención para reparar a cuberta do pavillón por un importe de 163.761,06 €.

“En 2021 solicitamos axuda á Xunta de Galicia para arranxar a cuberta do pavillón valorado en 70.000€. Licitamos a obra e esa obra quedou deserta polo aumento de materiais e materias primas. Actualizamos o proxecto e mellorámolo, incluída a eficiencia enerxética, e agora ascende a uns 164.000€, por iso volvemos solicitar unha liña de axuda á Xunta para poder levar a cabo esta obra tan necesaria” dixo de Deus.

O proxecto consiste na substitución completa das chapas por outras de aceiro cun tratamento máis duradeiro tanto contra as inclemencias meteorolóxicas, como contra a corrosión por salitre ou excrementos de aves, algo para o que non se acondicionou a cuberta actual. Ademais, inclúese unha mellora da eficiencia enerxética para as persoas maiores coa instalación de novos equipamentos que proporcionen confort térmico nos espazos habitables, como salas de ximnasia ou vestiarios, que permitirían realizar actividades gozando de confort térmico.

“Este mandato resolvemos a recepción das obras do pavillón, que xa viña dun plan de obras do ano 2015 e que non se rematou ata o ano 2021, que foi cando comezamos o proxecto de reforma da cuberta. Agora cun incremento de 95.000€ con respecto ao proxecto anterior, deixamos este asunto encarrilado coa intención de que se lle conceda a subvención e que a finais deste ano se inicie a tramitación da devandita obra” concluíu o concelleiro.