CELEBRACIÓN DOS MAIOS NOS CENTROS CEIP UNIÓN MUGARDESA, LOYOLA E IES MUGARDOS

Desde os centros de ensino Unión Mugardesa, Loyola e IES Mugardos o alumnado asistirá á celebración dos Maios o 9 de maio, nos que amosarán os traballos artísticos da rapazada de Mugardos. Desde un barco de vexetación que farán os da FP básica ata bailes e propostas florais diversas de Unión Mugardesa e Loyola.

Esta actividade contará co Concerto de MJ Pérez “Cos maios, coa música e coa lingua!”.

O Concerto terá lugar no Cantón de Cora. A artista MJ Pérez dirixirase á rapazada co seu concerto que transcorrerá de 12.30 a 13.30 horas, cun breve descanso para despedir ás 13.00 horas ao alumnado de Infantil.