O SERVIZO DE SOCORRISMO DA PRAIA DA BESTARRUZA COMENZA HOXE, LUNS 15 DE XUÑO

O Concello de Mugardos pon en marcha desde este luns 15 de xuño o servizo de socorrismo na praia da Bestarruza, coincidindo co inicio da tempada estival. Este servizo ten como obxectivo garantir a seguridade das persoas usuarias da praia, ofrecendo vixilancia, atención preventiva e capacidade de resposta ante posibles incidencias durante os meses de maior afluencia.

A concelleira de Turismo de Mugardos, Begoña Gómez, sinalou que “a posta en marcha deste servizo é unha medida fundamental para garantir que veciños e visitantes poidan desfrutar do noso litoral nas mellores condicións de seguridade. Desde o Concello seguimos traballando para ofrecer servizos de calidade durante a tempada de verán”.